Առավոտ.«Բարեգործությունը պղծում է»

«Ժառանգություն խմբակցության անդամ, ԱԺ պատգամավոր Լարիսա Ալավերդյանը շատ խիստ վիրավորված է։ Նրա դստեր աշխատավայրում ղեկավարներն արդեն հորդորել են, որ գալիք ընտրություններում թե աղջիկը, թե նրա ծնողներն իրենց ձայնը պետք է տան գործող իշխանություններին. «Գիտեն էլ, թե ում աղջիկն է, ասել են՝ իշխանությանն եք, չէ", ում եք տալու ձեր ձայնը։ Անկեղծ ասած՝ շատ վիրավորված եմ»։ Որպես մեր երկրում մարդու իրավունքների առաջին պաշտպան՝ Լ.ալավերդյանը, խոսելով ընտրական իրավունքներից, ասաց.«Ես հանդիպել եմ շատ բիրտ, կոպիտ և կիրթ ազգին անհարիր ընտրախախտումների։ Ես գտնում եմ, որ  իշխանությունը զավթել է իշխանությունը. եթե սա չկանխենք, ուրեմն մենք կանգնած ենք լուրջ մարտահրավերների առջև»։ Տիկին Ալավերդյանի գնահատմամբ՝ մարդու իրավունքների ամենակոպիտ խախտում է համարվում զենքի կիրառումը։ Ըստ նրա, այդ զենքը կիրառվել է իշխանության ներկայացուցիչների կողմից, իսկ եթե հակառակը լիներ, ապա շատ շուտ կբացահայտվեր՝ թե ովքեր են եղել կրակողները։ ԱԺ պատգամավորը նաև անընդունելի է համարում կուսակցական բարեգործությունները. դա հասարակության գիտակցության պղծում է. « Պետք են լուրջ քննարկումներ ՝ հասկանալու, թե ինչ է նշանակում բարեգործության անվան տակ ընտրակաշառք բաժանելը»,- գրում է «Առավոտը»։