ԱՄՆ-ն Զելենսկու օգնության կարիքը չունի․ Թրամփ
Աշխարհ
ԱՄՆ-ն Ուկրաինայի օգնության կարիքը չունի Մերձավոր Արևելքում իրանական անօդաչու թռչող սարքերը որսալու հարցում, ասել է Թրամփը NBC News-ին տված հեռախոսազրույցում։
Երբ հեռուստաալիքը հարցրել է Ուկրաինայի օգնության մասին, Թրամփը պատասխանել է. «Զելենսկին վերջին մարդն է, որից մեզ օգնություն է պետք»։
Միևնույն ժամանակ, Թրամփը հրաժարվել է մեկնաբանել այն հարցը, թե արդյոք ԱՄՆ-ն ընդունել է Ուկրաինայի օգնությունը անօդաչու թռչող սարքերի որսալու տեխնոլոգիաների ոլորտում։
ԱՄՆ նախագահը նշել է, թե զարմացած է, որ Զելենսկին չի ցանկանում խաղաղության համաձայնագիր, մինչդեռ Պուտինը, ըստ Սպիտակ տան ղեկավարի, պատրաստ է դրան։
«Ես զարմացած եմ, որ Զելենսկին չի ցանկանում գործարք։ Ասեք Զելենսկուն, որ գործարք կնքի, քանի որ Պուտինը պատրաստ է գործարքի... Զելենսկու հետ բանակցելը շատ ավելի դժվար է»,– ասել է Թրամփը։
Ավելի վաղ Ուկրաինայի նախագահը ԱՄՆ-ին և նրա դաշնակիցներին առաջարկել էր օգնություն Մերձավոր Արևելքում իրանական անօդաչու թռչող սարքերը որսալու հարցում։
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
