Իրաքում ԱՄՆ դեսպանատունը կոչ է արել ամերիկացիներին լքել երկիրը

Իրաքում ԱՄՆ դեսպանատունը կոչ է արել ամերիկացի քաղաքացիներին լքել երկիրը, այդ թվում՝ Քրդստանի տարածաշրջանը։

Այս մասին ասվում է դիվանագիտական առաքելության կայքում տեղադրված հայտարարության մեջ։

«ԱՄՆ քաղաքացիները պետք է անհապաղ լքեն Իրաքը։ Իրաքում մնալ ցանկացող ԱՄՆ քաղաքացիներին խստիվ կոչ է արվում վերանայել իրենց որոշումը՝ հաշվի առնելով Իրանի հետ կապված ահաբեկչական խմբավորումների կողմից ներկայացվող զգալի սպառնալիքը», - նշվում է կայքում։