Թեհրանում 22 շտապօգնության կայաններ չեն գործում ԱՄՆ-ի և Իսրայելի հարձակումներից հետո

Թեհրանի նահանգի շտապօգնության բաժանմունքի ղեկավար Մոհամմադ Էսմայիլ Թավաքոլլիի խոսքով՝ ԱՄՆ-ի և Իսրայելի կողմից հարձակումներից հետո Թեհրանի նահանգում առնվազն 22 շտապօգնության կայաններ շարքից դուրս են եկել, ոչնչացվել է 21 շտապօգնության մեքենա, իսկ երեքը՝ ենթարկվել են անմիջական հարվածների։ 

«Այսօրվա դրությամբ 22 շտապօգնության կայան ամբողջությամբ անջատված է։ 21 շտապօգնության մեքենա ոչնչացվել է, երեքը՝ անմիջական հարվածի տակ և դարձել հարձակման թիրախ», - նրա խոսքերը մեջբերել է SNN-ը։

Թավաքոլլին հավելել է, որ ԱՄՆ-ի և Իսրայելի հարվածներից Թեհրանի նահանգում մեկ շտապօգնության աշխատակից զոհվել է, իսկ 51-ը՝ վիրավորվել։

Ավելին, Շահիդ Բորուջերդի շրջանի վրա ԱՄՆ-ի և Իսրայելի հարվածից վիրավորվել է Թեհրանի ավելի քան 130 բնակիչ։

«Շահիդ Բորուջերդի շրջանում ավելի քան 130 վիրավոր կա», - Թավաքոլլիի խոսքերը մեջբերել է SNN-ը։