Իսրայելը հզոր հարձակում է սկսել Լիբանանի մայրաքաղաքի վրա

Իսրայելական ինքնաթիռները հարձակվել են Բեյրութի հարավային արվարձանի վրա, հաղորդում է ՌԻԱ Նովոստին։

Ականատեսների վկայությամբ, իսրայելական ինքնաթիռը թռել է ցածր բարձրության վրա և հարվածել Հարեթ Հրեյք թաղամասի բնակելի շենքին, որին հաջորդել է հզոր պայթյուն։

Իսրայելական բանակի մամուլի ծառայությունը, մինչդեռ, հայտարարել է, որ հարվածներ են հասցվում Լիբանանի մայրաքաղաքում տեղակայված շիական «Հեզբոլլահ» խմբավորման «ահաբեկչական ենթակառուցվածքներին»։