Իրանը մահապատժի կենթարկի ԱՄՆ-ի և Իսրայելի օգտին լրտեսության մեջ մեղադրվողներին

Իրանում ԱՄՆ-ի և Իսրայելի օգտին լրտեսության մեջ մեղավոր ճանաչվածները կարող են մահապատժի ենթարկվել, զգուշացրել է Իսլամական Հանրապետության Գերագույն դատարանի գլխավոր դատավոր Ղոլամ Հոսեյն Մոհսենի-Էջեին։

«Դատարանի որոշում է կայացվել բռնագրավել և սառեցնել ԱՄՆ-ի և Իսրայելի ագրեսիվ ռեժիմների հետ համագործակցած որոշակի անձանց ակտիվները։ Այս կետով նախատեսված մեկ այլ պատիժ է մահապատիժը։ Այն, անշուշտ, կկիրառվի դատավարությունից հետո մեղավոր ճանաչվածների նկատմամբ՝ որպես իրավական պատիժներից մեկը։ Մենք զգուշացնում ենք ժողովրդի անվտանգությանը սպառնացող բոլոր տարրերին, որ եթե նրանք փորձեն սպառնալիք ներկայացնել, նրանք կբախվեն վճռական իրավական գործողությունների. մեղմացում չի լինի», - նրա խոսքերը մեջբերել է SNN-ը։

Մարտի 15-ին Իրանի ոստիկանության պետ, գեներալ Ռեզա Ռադանը հայտարարել է, որ փետրվարի 28-ից ի վեր իրավապահ մարմինները ձերբակալել են թշնամու հետ համագործակցելու մեջ կասկածվող 500 մարդու։