Վան Դամմը Պուտինին անվանել է «լավ ընկեր»․ դերասանը հիշել է անձնական հանդիպումները

Հոլիվուդյան հայտնի դերասան Ժան-Կլոդ Վան Դամմը հայտարարել է, որ Ռուսաստանի նախագահ Վլադիմիր Պուտինին համարում է «լավ ընկեր»։ Նրա խոսքերը փոխանցում է South China Morning Post-ը՝ անդրադառնալով դերասանի հայտարարությանը Հոնկոնգում կազմակերպված իր արվեստի ցուցահանդեսի բացման ժամանակ։

Վան Դամմի խոսքով՝ Պուտինը իր միջազգային ճանաչվածությունը բացատրել է այն գաղափարով, որ «գործերը խոսքերից բարձր են խոսում»։ Դերասանը նշել է, որ այդ խոսակցությունը տեղի է ունեցել մինչև Ուկրաինայի պատերազմի սկիզբը և մինչև ԱՄՆ-ի, Ռուսաստանի ու Չինաստանի միջև հարաբերությունների սրման փուլը։

Նա նաև հիշել է իր հանդիպումը Ռուսաստանի նախագահի հետ 2010 թվականին Սոչիում, որտեղ մասնակցում էր առանց կանոնների մարտերի Եվրոպայի բաց առաջնությանը։ Դերասանի խոսքով՝ հանդիպման ընթացքում տեղի է ունեցել նաև կատակային դրվագ, երբ քայլելիս նա պատահաբար ոտքով հարվածել է Պուտինի կոշիկին, ինչին վերջինս պատասխանել է նույն կերպ։ Ավելի վաղ՝ 2025 թվականի ապրիլին, Վան Դամմը հայտարարել էր, որ ցանկանում է այցելել Ռուսաստան և հանդես գալ որպես խաղաղության դեսպան։ Աղբյուր՝ South China Morning Post։