Դոլարի կուրսը հասել է կես տարվա առավելագույնին․ ռուբլին ճնշման տակ է

ԱՄՆ դոլարի փոխարժեքը ֆորեքս շուկայում հասել է 82 ռուբլու՝ դառնալով վերջին մոտ կես տարվա առավելագույնը։ Վերջին տվյալներով՝ դոլարը կազմել է շուրջ 81,94 ռուբլի, իսկ եվրոն բարձրացել է մինչև 94,52 ռուբլի՝ գրանցելով աճ։

Մինչ այդ Ռուսաստանի Կենտրոնական բանկը պաշտոնական փոխարժեքը բարձրացրել էր 81 ռուբլուց բարձր։ Վերլուծաբանների գնահատմամբ՝ ռուբլու վրա ճնշումը պայմանավորված է արտարժույթի պահանջարկի աճով՝ հատկապես ներմուծողների կողմից, ինչպես նաև արտարժույթի վաճառքի կրճատմամբ՝ կապված բյուջետային կանոնների փոփոխության ծրագրերի հետ։

Միևնույն ժամանակ, արտահանողները պահում են արտարժույթը՝ սպասելով ռուբլու հետագա արժեզրկմանը և հնարավոր շահույթին փոխարժեքների տարբերությունից։ Փորձագետները կանխատեսում են, որ մինչև մարտի վերջ ռուբլու փոխարժեքի տատանումները կմնան բարձր մակարդակի վրա։