Բժիշկը բացահայտել է առողջության մասին տարածված մոլորությունները․ ինչին չպետք է հավատալ

Բժիշկ Ամիր Խանը նշել է առողջության պահպանման վերաբերյալ ամենատարածված, սակայն իրականությանը չհամապատասխանող միֆերը։ Նրա խոսքով՝ հատկապես տարածված է «ցիկլային սերմերի օգտագործման» գաղափարը, ըստ որի կանայք տարբեր փուլերում պետք է տարբեր սերմեր օգտագործեն՝ հորմոնները կարգավորելու համար։ Բժիշկը ընդգծել է, որ այս մեթոդը որևէ գիտական հիմնավորում չունի և անօգուտ է։

Խանը նաև հերքել է այն տեսակետը, թե որոշ կենսաբանական ակտիվ հավելումներ (ԲԱՀ-եր) կարող են կարգավորել հորմոնային հավասարակշռությունը։ Նրա խոսքով՝ առողջ օրգանիզմը ինքնուրույն կարգավորում է հորմոնները, իսկ խանգարումների դեպքում անհրաժեշտ է բժշկական հետազոտություն և համապատասխան բուժում, ոչ թե ինքնաբուժում հավելումներով։

Բացի այդ, բժիշկը նշել է, որ «դետոքս» միջոցները իրականում չեն մաքրում օրգանիզմը թունավոր նյութերից կամ մակաբույծներից և հիմնականում գործում են որպես սովորական լուծողականներ։ Նա նաև ընդգծել է, որ դեմքի այտուցները հազվադեպ են կապված կորտիզոլի հետ և սովորաբար ունեն այլ պատճառներ։ Խանի խոսքով՝ օրգանիզմն ունի բարդ համակարգեր, որոնք ինքնուրույն կարգավորում են նյութափոխանակությունը, իմունիտետը և մաքրման գործընթացները։ Աղբյուր՝ Daily Mail։