Կրեմլը հերքում է կապերը Telegram-ի ղեկավարության հետ

ՌԴ նախագահի մամուլի խոսնակ Դմիտրի Պեսկովը հայտարարել է, որ իրեն հայտնի չեն որևէ շփումներ Telegram-ի ղեկավարության հետ։ Նրա խոսքերը փոխանցում է РИА Новости-ն՝ անդրադառնալով Ռուսաստանում մեսենջերի աշխատանքի սահմանափակումների թեմային։

Պեսկովի խոսքով՝ ինքը տեղեկություն չունի, որ Կրեմլը կամ իշխանությունները կապ են պահպանում հարթակի ղեկավարների հետ։ Այս հայտարարությունը հնչել է Telegram-ի գործունեության շուրջ շարունակվող քննարկումների ֆոնին։

Ավելի վաղ Կրեմլից նշել էին, որ մեսենջերի նկատմամբ սահմանափակումները կարող են հանվել, եթե ընկերությունը կատարի Ռուսաստանի օրենսդրության պահանջները։