Քաոս Շրի Լանկայում․ վառելիքը տրամադրում են միայն QR-կոդով, զբոսաշրջիկները մնացել են հերթերում

Շրի Լանկայում վառելիքի բաշխման նոր կարգը քաոսային իրավիճակ է ստեղծել՝ հատկապես զբոսաշրջիկների համար։ Ինչպես հայտնում է РИА Новости-ն, բենզալցակայաններում վառելիքը այժմ տրամադրվում է միայն QR-կոդերի միջոցով, ինչը մեծ հերթեր և խառնաշփոթ է առաջացրել։

Ռուսաստանցի զբոսաշրջիկի խոսքով՝ օտարերկրացիներին չի բացատրվել, թե որտեղից կարող են ստանալ այդ կոդերը։ Նա նշել է, որ նույնիսկ երկար հերթ կանգնելուց հետո իրենց հրաժարվել են բենզին տրամադրել, քանի որ չունեին անհրաժեշտ QR-կոդը։ Տուրիստը հավելել է, որ վարձակալած տրանսպորտի սեփականատերը խոստացել է տրամադրել կոդը միայն մի քանի օր անց։

Միևնույն ժամանակ, իրավիճակը սրվում է նաև տրանսպորտային ոլորտում․ հաղորդվում է, որ Շրի Լանկայից դուրս ավիատոմսերի գները հասել են մինչև 800 հազար ռուբլու, իսկ որոշ չվերթներ չեղարկվել են։