Հրթիռային լարվածություն օդում․ 240 ուղևորով ինքնաթիռի հատակը սկսել է թրթռալ թռիչքի ընթացքում

Air India ավիաընկերության Airbus A350-900 ինքնաթիռը, որի վրա եղել է 240 ուղևոր, արտակարգ վայրէջք է կատարել Իռլանդիայում՝ թռիչքի ընթացքում առաջացած անսովոր թրթռումների պատճառով։ Դեպքը տեղի է ունեցել Նյու Յորքից Նյու Դելի ուղևորվող գիշերային չվերթի ժամանակ։

Ատլանտյան օվկիանոսի վրայով թռչելիս ուղևորները սկսել են զգալ, որ ինքնաթիռի հատակը թրթռում է, և լսվել է աղմուկ՝ առանց որևէ տուրբուլենտության։ Անհանգստացած մարդիկ դիմել են բորտուղեկցորդներին, ինչից հետո անձնակազմը մոտ 30 րոպե փորձել է պարզել խնդրի պատճառը։

Չհայտնաբերելով հստակ տեխնիկական խափանում՝ օդաչուները որոշել են իրականացնել արտակարգ վայրէջք Իռլանդիայի Շենոն օդանավակայանում։ Ինքնաթիռը անվտանգ վայրէջք է կատարել, իսկ ուղևորներին տեղավորել են հյուրանոցներում։ Նախնական վարկածներով՝ հնարավոր է բեռների տեղաշարժ կամ ներքին պանելների թուլացում, սակայն իրական պատճառները դեռևս ուսումնասիրվում են։