Մյանման ստացել է ռուսական Սու-30ՍՄԷ կործանիչներ

Մյանմայի ռազմաօդային ուժերը համալրվել են ռուսական արտադրության նոր բազմաֆունկցիոնալ Սու-30ՍՄԷ կործանիչներով։ Այս մասին հաղորդում է Ռազմավարությունների և տեխնոլոգիաների վերլուծության կենտրոնը։

Նոր տեխնիկայի շահագործման մեկնարկի արարողությունը տեղի է ունեցել մարտի 12-ին։ Բացի երկու Սու-30ՍՄԷ կործանիչներից, Մյանման ստացել է նաև չինական արտադրության երկու K-8W ուսումնամարտական ինքնաթիռ։

Սու-30ՍՄԷ ինքնաթիռների մատակարարումը իրականացվել է 2018 թվականին կնքված պայմանագրի շրջանակում և ավարտվել է այս վերջին խմբաքանակով։ Առաջին ինքնաթիռները Մյանմային փոխանցվել էին 2022 թվականին։ Այս երկիրը շարունակում է մնալ Սու-30ՍՄ-ի արտահանման տարբերակի միակ շահագործողը։

Ընդհանուր առմամբ Սու-30 ընտանիքի ինքնաթիռները լայնորեն կիրառվում են աշխարհում՝ ավելի քան 600 միավոր ծառայության մեջ լինելով շուրջ 13 երկրներում, այդ թվում՝ Հնդկաստանում և Չինաստանում։