Արաղչին կոչ է արել ամերիկացի ժողովրդին պահանջել, որ Սպիտակ տունը դադարեցնի ագրեսիան

Իրանի արտաքին գործերի նախարար Աբբաս Արաղչին դիմել է ամերիկյան ժողովրդին և կոչ արել ճնշում գործադրել Սպիտակ տան վրա և դադարեցնել Վաշինգտոնի ռազմական գործողությունն ու ագրեսիան Իսլամական Հանրապետության դեմ։

«Ես կարող եմ դիմել Միացյալ Նահանգների ժողովրդին։ Այս պատերազմը ո՛չ ամերիկյան ժողովրդի պատերազմն է, ո՛չ էլ Իրանի պատերազմը. սա Իսրայելի պատերազմն է, որը մղվում է Իսրայելի շահերից ելնելով։ 

Սովորական մարդիկ, բենզալցակայաններում կանգնած մարդիկ կրում են ինչպես մարդկային, այնպես էլ ֆինանսական կորուստներ։ Այս իրավիճակից պետք է խուսափել։

Ես կարծում եմ, որ պատերազմի ավարտը կախված է ամերիկյան ժողովրդի կամքից, որը կստիպի իր կառավարությանը ընտրել ավելի իմաստուն ուղի», - ասել է Արաղչին «Ալ Ջազիրա»-ին տված հարցազրույցում։