Արաղչին կոչ է արել սպասել Իրանի առաջնորդի դիրքորոշմանը միջուկային զենքի վերաբերյալ

Իրանի արտաքին գործերի նախարար Աբբաս Արաղչին կոչ է արել սպասել մինչև Իրանի նոր առաջնորդ Մոջթաբա Խամենեին իր դիրքորոշումը հայտնի միջուկային զենքի վերաբերյալ: Դրանց տիրապետումն արգելող ֆեթվա էր հրապարակվել հանգուցյալ առաջնորդ Ալի Խամենեիի օրոք։

«Իրանի միջուկային դոկտրինը խաղաղ էր: Մենք միշտ ձգտել և շարունակում ենք ձգտել իրականացնել մեր իրավունքը՝ օգտվելու խաղաղ միջուկային էներգիայից», - ասել է Արաղչին։

«Ֆեթվան կախված է այն անձից, ով այն հրապարակում է: Ես դեռ չեմ կարող դատել, թե ինչպիսին կլինի նոր առաջնորդի իրավական կամ քաղաքական դիրքորոշումը այս հարցում:

Իմ հասկացողությամբ այն չպետք է էականորեն տարբերվի մեր նախորդ քաղաքականությունից: Բայց մենք պետք է սպասենք մինչև իմանանք նրա տեսլականի մասին», - հավելել է արտաքին գործերի նախարարը՝ պատասխանելով այն հարցին, թե արդյոք Իրանը, որը նախկինում հայտարարել էր, որ չի պլանավորում ունենալ միջուկային զենք, կփոխի իր մոտեցումը: