Իսրայելը ենթարկվել է Իրանի ամենածանր հարվածներից մեկին․ գիշերը վերածվել է աղետի

Իսրայելը բախվել է Իրանի կողմից իրականացված ամենածանր հարձակումներից մեկին՝ սկսված հակամարտությունից ի վեր։ Ինչպես հայտնում է իրանական Fars գործակալությունը, անցած գիշերը ուղեկցվել է հրթիռային զանգվածային հարվածներով, որոնք ուղղված են եղել երկրի կենտրոնական և հյուսիսային շրջաններին՝ առաջացնելով լուրջ ավերածություններ։

Աղբյուրների փոխանցմամբ՝ հրթիռների պայթյուններն ու բեկորների ընկնելը տարբեր բնակավայրերում հանգեցրել են լայնածավալ հրդեհների, էլեկտրաէներգիայի խափանումների և զգալի նյութական վնասների։ Միաժամանակ, Իսրայելի հյուսիսում սահմանամերձ համայնքների ղեկավարները հայտարարել են բնակչության ծանր իրավիճակի մասին՝ նախազգուշացնելով, որ անհրաժեշտ միջոցների բացակայության դեպքում հնարավոր է ամբողջական տարհանում։

Իսրայելի պաշտպանության բանակը (ՑԱՀԱԼ) հաստատել է Իրանից արձակված հրթիռների հայտնաբերումը՝ նշելով, որ հակաօդային պաշտպանության համակարգերը աշխատել են օդային թիրախների խոցման ուղղությամբ։ Ավելի վաղ Ռուսաստանի նախագահ Վլադիմիր Պուտինը հայտարարել էր, որ Մոսկվան չի տեսնում ապացույցներ Իրանի՝ միջուկային զենք ստեղծելու մտադրության վերաբերյալ և ընդգծել էր երկրի իրավունքը խաղաղ նպատակներով զարգացնելու միջուկային տեխնոլոգիաները։