Բաստայի դերը կենսագրական ֆիլմում կկատարի Սլավա Կոպեյկինը

Ռուսական «Слово пацана. Кровь на асфальте» սերիալի աստղ Սլավա Կոպեյկինը կկատարի ռեփեր Բաստայի (իսկական անունը՝ Վասիլի Վակուլենկո) դերը երաժշտի մասին նկարահանվող կենսագրական ֆիլմում։ Այս մասին «Լենտա.ռու»-ին հայտնել է «Ատմոսֆերա կինո» ընկերության մամուլի ծառայությունը։

Բաստայի խոսքով՝ դերասանին ընտրելիս նա նկատել է արտաքին նմանություն՝ համեմատելով Կոպեյկինի լուսանկարները իր երիտասարդ տարիների նկարների հետ։ Նա նաև բարձր է գնահատել դերասանի մարդկային և մասնագիտական որակները՝ անվանելով նրան տաղանդավոր և հետաքրքիր արտիստ։

Կոպեյկինը նշել է, որ իրեն հատկապես գրավել է Բաստայի կերպարը ներկայացնելու հնարավորությունը՝ մինչ նրա համազգային հայտնի դառնալը։ Ֆիլմը կպատմի Վակուլենկոյի ձևավորման մասին Ռոստովում՝ 2000-ականների սկզբին, իսկ նկարահանումները նախատեսվում է սկսել մոտ ապագայում։