Կրեմլը դատապարտել է Իրանի բարձրաստիճան պաշտոնյայի սպանությունը

Ռուսաստանը խիստ դատապարտել է Իրանի ղեկավարության ներկայացուցիչների դեմ ուղղված հարձակումները։ Այս մասին հայտարարել է Կրեմլի խոսնակ Դմիտրի Պեսկովը՝ մեկնաբանելով Իրանի Ազգային անվտանգության բարձրագույն խորհրդի քարտուղար Ալի Լարիջանիի սպանությունը, որը համարվում էր երկրի ազդեցիկ քաղաքական գործիչներից մեկը։ Տեղեկությունը հաղորդում է «ՌԻԱ Նովոստի»-ն։

Պեսկովի խոսքով՝ ցանկացած գործողություն, որը ուղղված է ինքնիշխան պետությունների ղեկավարության ներկայացուցիչների դեմ՝ վնաս պատճառելու կամ նրանց վերացնելու նպատակով, անընդունելի է։ Նա ընդգծել է, որ Ռուսաստանը նման քայլերը դատապարտում է՝ անկախ նրանից, թե որ երկրի ներկայացուցիչների նկատմամբ են դրանք իրականացվում։

Կրեմլի ներկայացուցիչը նաև արձագանքել է հարցին՝ կարելի՞ է արդյոք այս դեպքը դիտարկել որպես ռազմական հանցագործություն, սակայն կոնկրետ իրավական գնահատական չի տվել՝ սահմանափակվելով ընդհանուր դատապարտմամբ։