Զելենսկին խոսել է խաղաղության բանակցությունների վերաբերյալ իր «վատ զգացողությունների» մասին
Աշխարհ
Ուկրաինայի նախագահ Վոլոդիմիր Զելենսկին հայտարարել է, որ «վատ զգացողություն» ունի Իրանի հակամարտության ազդեցության վերաբերյալ Ուկրաինայի խաղաղության բանակցություններից, քանի որ եռակողմ հանդիպումները «մշտապես հետաձգվում են»։ Նա այս հայտարարությունն արել է BBC-ին տված հարցազրույցում։
«Ես շատ վատ զգացողություն ունեմ Ուկրաինայի իրավիճակի վրա այս պատերազմի ազդեցության վերաբերյալ։ Դժբախտաբար, Ամերիկան ավելի շատ կենտրոնանում է Մերձավոր Արևելքի, քան Ուկրաինայի վրա։ Ահա թե ինչու եք տեսնում, որ մեր դիվանագիտական հանդիպումները, եռակողմ հանդիպումները անընդհատ հետաձգվում են։ Եվ դրա համար կա մեկ պատճառ՝ պատերազմը Իրանում», - ասել է Զելենսկին։
Միևնույն ժամանակ, Ուկրաինայի նախագահը ընդգծել է, որ բանակցային թիմերը «ամեն օր խոսում են միմյանց հետ»։
«Մեր խումբը ամեն օր խոսում է ամերիկյան կողմի հետ։ Ես գիտեմ, որ ամերիկացիները նույնպես ամեն օր խոսում են ռուսների հետ», - ընդգծել է նախագահը։
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
