Աղանդերը խլել է հարսանիքի հյուրի կյանքը

Հնդկաստանում հարսանիքի ժամանակ տղամարդը խեղդվել է աղանդերից և մահացել։ Այս մասին հայտնում է NDTV-ն։

Դեպքը տեղի է ունեցել Ջհարքհանդ նահանգի Մալիյանտա գյուղում՝ խնջույքի ընթացքում։ 41-ամյա Լալիթ Սինգհը ուտում էր հայտնի «ռասգուլլա» աղանդերը՝ շաքարային օշարակով ներծծված կաթնաշոռային գունդ, երբ հանկարծ սկսել է խեղդվել։

Մոտակայքում գտնվող մարդիկ փորձել են օգնություն ցուցաբերել, սակայն չեն կարողացել հեռացնել սնունդը շնչուղիներից։ Տուժածի հայրը նրան տեղափոխել է մոտակա հիվանդանոց, սակայն բժիշկներին չի հաջողվել փրկել նրա կյանքը։