Երիտասարդը սպանել է իր հետ ամուսնանալ ցանկացող կնոջը

Հնդկաստանում  տղամարդ սպանելը է իր ընկերուհուն, երբ վերջինս ամուսնության առաջարկ է արել իրեն, հաղորդում է Times of India-ն։

Կիրակի օրը՝ մարտի 15-ին, Անուպպուր շրջանի Գովարի գյուղում հայտնաբերվել է 24-ամյա Լապտա Կաջալ Պուրիի մարմինը։ Նա անհետ կորել էր փետրվարի 17-ին՝ ենթադրաբար տնից քոլեջ գնալու ճանապարհին։ Նրա ինքնությունը պարզվել է անձնական իրերի և ոստիկանություն ներկայացված անհետ կորած անձի մասին հաղորդման միջոցով։

Կաջալի վերջին կապը քննիչներին տարել է նրա ընկերոջ՝ Չանդրաբհան Ռաթորի մոտ, որը ձերբակալվել և հարցաքննվել է։ Ոստիկանության տվյալներով՝ նրանք մի քանի ամիս առաջ ծանոթացել են սոցիալական ցանցերում և պահպանել են մտերիմ հարաբերություններ։

Երբ Կաջալը պնդել է ամուսնանալ իր հետ, տղամարդը հրաժարվել է՝ հղում անելով սոցիալական խոչընդոտներին։ Փետրվարի 17-ին նա մոտոցիկլետով Կաջալին տարել է Գովարիի մեկուսի տուն, որտեղ, քննիչների խոսքով, հարձակվել է նրա վրա։ Նա քարկոծել է զոհին մինչև որ վերջինս մահացել է, ապա ոչնչացրել SIM քարտը, թաքցրել հեռախոսը և փորձել մաքրել հետքերը։

Հետաքննությունը շարունակվում է, և ստեղծվել է հատուկ խումբ՝ բոլոր հանգամանքները պարզելու համար։