Իրանի արտաքին գործերի նախարարը քննադատել է Մակրոնին էներգետիկ օբյեկտների վերաբերյալ նրա դիրքորոշման համար

Իրանի արտաքին գործերի նախարար Աբբաս Արաղչին քննադատել է Ֆրանսիայի նախագահ Էմանուել Մակրոնին էներգետիկ ենթակառուցվածքների վրա հարվածների վերաբերյալ իր դիրքորոշման համար։

Ֆրանսիայի նախագահ Էմանուել Մակրոնը հայտարարել է, որ Իրանի կողմից Կատարի գազային ենթակառուցվածքների վրա հարվածներից հետո զրուցել է ԱՄՆ նախագահ Դոնալդ Թրամփի և Կատարի էմիր Թամիմ բին Համադ ալ Թանիի հետ՝ հայտարարելով քաղաքացիական ենթակառուցվածքների վրա հարձակումների մորատորիումի անհրաժեշտության մասին։

«Մակրոնը ոչ մի բառ չարտասանեց՝ դատապարտելով ԱՄՆ-Իսրայել Իրանի դեմ պատերազմը։ Նա չդատապարտեց Իսրայելին, երբ այն պայթեցրեց վառելիքի պահեստարանները՝ միլիոնավոր (մարդկանց) ենթարկելով տոքսինների։ Նրա ներկայիս «մտահոգությունը» չի հետևում Իսրայելի կողմից մեր գազային օբյեկտների վրա հարձակմանը։ Այն հետևում է մեր պատասխան գործողություններին։ Ցավալի է», - գրել է Արաղչին սոցիալական ցանցերում։