Չինաստանի ԱԳՆ-ը հայտարարել է, որ Միացյալ Նահանգները պետք է դադարեցնի միջամտել Թայվանի հարցին

Չինաստանը զգուշացնում է արտաքին ուժերին, այդ թվում՝ Միացյալ Նահանգներին, չմիջամտել Թայվանի հարցին և չսնուցել «չինական սպառնալիքի» տեսությունը։

Այս մասին ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը՝ մեկնաբանելով ԱՄՆ ազգային հետախուզության տնօրեն Թուլսի Գաբարդի այն հայտարարությունը, որ Վաշինգտոնը ենթադրում է, որ Պեկինը կձգտի Թայվանի խաղաղ վերամիավորմանը մայրցամաքային Չինաստանի հետ։

«Թայվանի հարցը Չինաստանի ներքին գործն է։ Թայվանի հարցի լուծումը բացառապես չինացի ժողովրդի գործն է, և ոչ մի արտաքին ուժ չի թույլատրվում միջամտել։

ԱՄՆ կողմը պետք է հետևի «մեկ Չինաստան» սկզբունքին և Չինաստանի ու ԱՄՆ-ի միջև երեք համատեղ հաղորդագրություններին և խելամտորեն գործի Թայվանի հարցում։

Միևնույն ժամանակ, ԱՄՆ-ի համապատասխան հաստատություններն ու անհատները պետք է հրաժարվեն գաղափարախոսական նախապաշարմունքներից և զրոյական գումարի սառը պատերազմի մտածողությունից, ճշգրտեն Չինաստանի մասին իրենց ընկալումները և դադարեն «չինական սպառնալիքի» տեսությունը սնուցել», - ասել է դիվանագետը։