Հռոմում Զախարովայի ելույթի չեղարկումը Ռուսաստանում որակել են որպես «քաղաքական ճնշում»

Ռուսաստանի Պետդումայի պատգամավոր Նիկոլայ Բուրլյաևը մեկնաբանել է Մեծ թատրոնի պրիմա-բալերինա Սվետլանա Զախարովայի ելույթի չեղարկումը Հռոմում՝ այն որակելով որպես «քաղաքական ճնշման արդյունք»։ Նրա խոսքով՝ նման որոշումները պայմանավորված են առանձին շրջանակների դիրքորոշմամբ և կրում են ժամանակավոր բնույթ։

Բուրլյաևը նշել է, որ, չնայած նման դեպքերին, ռուսական մշակույթի նկատմամբ հետաքրքրությունը արտերկրում շարունակում է պահպանվել։ Նա օրինակ է բերել Իտալիայում անցկացվող ռուսական մշակութային միջոցառումները, որոնք, ըստ նրա, կազմակերպվում են «առողջ մտածող մարդկանց» կողմից։

Ավելի վաղ մեկ այլ պատգամավոր՝ Ամիր Խամիտովը, նույնպես քննադատել էր ելույթի չեղարկումը՝ այն անվանելով խտրականություն և օրինակ այն բանի, թե ինչպես մշակույթը դառնում է քաղաքական ազդեցության գործիք։