Մերձավոր Արևելքի պատերազմը սպառնում է համաշխարհային պարենային անվտանգությանը. WTO

ԱՄՆ–Իսրայել պատերազմը Իրանի դեմ լուրջ սպառնալիք է ներկայացնում համաշխարհային պարենային անվտանգությանը, զգուշացրել է Առևտրի համաշխարհային կազմակերպության (ԱՀԿ) ղեկավարը՝ կոչ անելով պահպանել միջազգային մատակարարման շղթաների բաց լինելը, գրում է AL-JAZEERA-ն:

Ժնևում լրագրողների հետ զրույցում Նգոզի Օկոնջո-Իվեալան նշել է, որ Մերձավոր Արևելքում շարունակվող հակամարտությունը «սպառնում է համաշխարհային պարենային անվտանգությանը, քանի որ նավափոխադրումների խափանումներն ու էներգիայի բարձր գները նվազեցնում են պարարտանյութերի մատակարարումը և բարձրացնում դրանց արժեքը»։

Նրա խոսքով՝ աշխարհում ազոտական պարարտանյութերի մատակարարման մոտ մեկ երրորդը անցնում է Հորմուզի նեղուցով։

«Մատակարարման երկարատև խափանումը կարող է ազդեցություն ունենալ սննդային համակարգերի վրա՝ ստիպելով ֆերմերներին նվազեցնել պարարտանյութերի օգտագործումը և անցնել ավելի քիչ ներդրում պահանջող մշակաբույսերի»,— նշել է նա։

Նաընդգծել է, որ «կենսական է պահպանել համաշխարհային պարենային առևտրի ուղիները բաց և կանխատեսելի, որպեսզի սննդամթերքը կարողանա հասնել այնտեղ, որտեղ դրա կարիքը ամենից շատն է»։