Սաուդյան Արաբիան Իրանի հարվածը որակում է որպես ճնշման բացահայտ փորձ
Աշխարհ
Սաուդյան Արաբիայի արտաքին գործերի նախարար արքայազն Ֆեյսալ բին Ֆարհան Ալ Սաուդը հայտարարել է, որ Իրանի կողմից թագավորության էներգետիկ ենթակառուցվածքների ուղղությամբ իրականացված հարվածը «ճնշման կիրառման բացահայտ փորձ» է։
Ավելի վաղ պաշտոնական Ռիադը հայտնել էր, որ մայրաքաղաքի ուղղությամբ արձակված չորս բալիստիկ հրթիռներ ոչնչացվել են՝ տարածաշրջանային և իսլամական երկրների արտաքին գործերի նախարարների հանդիպման նախօրեին։
«Ինձ համար ակնհայտ է, որ այսօրվա հարձակումը կապված էր այդ հանդիպման հետ՝ նպատակ ունենալով ազդեցություն գործադրել մասնակիցների վրա և փոխանցել այն ուղերձը, որ Իրանը չի պատրաստվում դադարեցնել իր գործողությունները»,— նշել է նախարարը։
Նրա խոսքով՝ «այդ փորձերը չեն հասել իրենց նպատակին, և Սաուդյան Արաբիան չի ենթարկվել որևէ ճնշման»։
Նա հավելել է, որ նման վարքագծի պայմաններում Իրանը չի կարող դիտարկվել որպես վստահելի գործընկեր։
«Նույնիսկ այն սահմանափակ վստահությունը, որը գոյություն ուներ, այժմ լիովին փլուզվել է»,— ընդգծել է Ֆեյսալ բին Ֆարհան Ալ Սաուդը։ Այս մասին հայտնում է AL-JAZEERA-ն:
ՈՒՂԻՂ ԵԹԵՐ
Ամենադիտված 
Ջուր հավաքեք․ ջուր չի լինելու
