Ճապոնիայի վարչապետը ընդգծում է Իրանի շուրջ պատերազմով պայմանավորված գլոբալ տնտեսական հետևանքները
Աշխարհ
ԱՄՆ նախագահ Դոնալդ Թրամփի և Ճապոնիայի վարչապետ Սանաե Տակաիչիի միջև Սպիտակ տանը կայացած մամուլի ճեպազրույցից հետո պարզ է դարձել երկու հիմնական հանգամանք։
Առաջին՝ Թրամփը ակնկալում է, որ Ճապոնիան կակտիվացնի իր դերակատարությունը, հաշվի առնելով, որ երկրի ներմուծվող նավթի շուրջ 90 տոկոսը անցնում է Հորմուզի նեղուցով։
Հանդիպումից առաջ ՆԱՏՕ-ի մի շարք առաջնորդներ և Ճապոնիան հանդես էին եկել համատեղ հայտարարությամբ, որով փաստացի ազդարարում էին, որ ԱՄՆ դաշնակիցները չեն ուղարկի ռազմական նավեր նեղուց, ։ Այսպիսով, առայժմ Ճապոնիան և եվրոպական դաշնակիցները հայտնում են քաղաքական, սակայն ոչ ռազմական աջակցություն։
Սանաե Տակաիչին իր հերթին ավելի հեռուն է գնացել՝ ընդգծելով պատերազմի զգալի ազդեցությունը համաշխարհային տնտեսության վրա։
Տակաիչին համաձայնել է, որ Իրանը չպետք է ունենա միջուկային զենք, դատապարտել է տեղի ունեցած հարձակումները և Հորմուզի նեղուցի փակումը։ Միաժամանակ, նա նշել է, որ փնտրում է ուղիներ հակամարտությունը դադարեցնելու և, իր ձևակերպմամբ, «խաղաղություն և ներդաշնակություն ապահովելու» համար։ Այս մասին հայտնում է AL-JAZEERA-ն:
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
