Իտալիայի վարչապետ Մելոնին հայտարարել է՝ հասկանում է Օրբանի դիրքորոշումը․ Politico

Իտալիայի վարչապետ Ջորջիա Մելոնին հայտարարել է, որ հասկանում է Հունգարիայի վարչապետ Վիկտոր Օրբանի վետոն՝ չնայած Կիևին 90 միլիարդ եվրոյի վարկ տրամադրելու իր աջակցությանը, հաղորդում է Politico-ն՝ հղում անելով հինգ եվրոպական աղբյուրի։

Հրապարակումը նշում է, որ Մելոնին իր գործընկերների հետ զրույցում արտահայտել է Օրբանի վետոյի վերաբերյալ իր ըմբռնումը։

Հրապարակման համաձայն՝ Իտալիայի վարչապետը իր հունգարացի գործընկերոջ գործողությունները անվանել է «նորմալ» և խոստովանել, որ ինքը նույնպես այդպես կվարվեր, եթե լիներ Օրբանի դիրքում։

Politico-ն նշել է, որ աղբյուրներից ոչ մեկը չի եղել նիստերի սենյակում, որտեղ ներկա են եղել միայն առաջնորդները, և նրանք ավելի ուշ նկարագրել են միջադեպը հրատարակության զրուցակիցներին։

Հրապարակման հաղորդմամբ՝ Իտալիայի կառավարության ներկայացուցիչները հերքում են, որ վարչապետը նման հայտարարություն է արել։