ԱՄՆ դեսպանատունը կոչ է արել իր քաղաքացիներին լքել Սաուդյան Արաբիան

Սաուդյան Արաբիայում ԱՄՆ դեսպանատունը կոչ է արել ամերիկացիներին լքել երկիրը՝ Յանբու նավահանգստի վրա հարձակումից հետո անվտանգության սպառնալիքների պատճառով, ասվում է դեսպանատան կայքում տեղադրված հայտարարության մեջ։

«Մենք խրախուսում ենք ԱՄՆ քաղաքացիներին լքել Սաուդյան Արաբիան առևտրային չվերթներով, եթե դա անվտանգ է», - ասվում է հայտարարության մեջ։

Դեսպանատունը հիշեցրել է, որ թագավորության օդային տարածքը մնում է բաց, «սակայն հաճախակի օդային երթևեկության սահմանափակումներով՝ հրթիռային և անօդաչու թռչող սարքերի հարվածների շարունակական սպառնալիքի պատճառով»։ Դեսպանատունը հրահանգել է իր աշխատակիցներին մնալ տանը մինչև հետագա ծանուցում։