Axios. ԱՄՆ-ը դիտարկում է Իրանի Խարկ կղզու ծովային շրջափակումը կամ գրավումը

ԱՄՆ վարչակազմը քննարկում է Իրանի Խարգ կղզու ծովային շրջափակման կամ գրավման հարցը, սակայն դեռևս որոշում չի կայացվել, հաղորդում է Axios-ը՝ հղում անելով աղբյուրներին։ 

Ըստ պորտալի՝ Վաշինգտոնը փորձում է ստիպել Իրանին «բացել» Հորմուզի նեղուցը։ Axios-ի աղբյուրներից մեկը նշել է, որ ԱՄՆ-ին մոտ մեկ ամիս կպահանջվի «հարվածներով թուլացնելու Իրանին, կղզին գրավելու» և դա բանակցություններում օգտագործելու համար։

«ԱՄՆ նախագահ Դոնալդ Թրամփը ցանկանում է, որ Հորմուզի նեղուցը բաց լինի։ Եթե նա պետք է գրավի Խարգ կղզին դրա համար, թող այդպես լինի։ Եթե նա որոշի ափին դեսանտային գործողություններ իրականացնել, թող այդպես լինի։ Սակայն այդ որոշումը դեռ չի կայացվել», - հայտարարել է ԱՄՆ վարչակազմի անանուն պաշտոնյան։

Երեք աղբյուրներ պորտալին հայտնել են, որ զորքերի դեսանտային գործողություններ իրականացնելու և կղզին գրավելու տարբերակը «լուրջորեն քննարկվում է»։ Պորտալը նշում է, որ կղզին կարևոր դեր է խաղում իրանական նավթի արտահանման մեջ, ուստի քննարկվում է ծովային շրջափակում՝ տանկերներին խոչընդոտելու համար։ Պենտագոնը խորհրդակցել է իր իրավաբանների հետ նման միջոցառումների օրինականության վերաբերյալ, գրում է պորտալը։