Politico. ԵՄ գագաթնաժողովում Զելենսկին ավելի զգույշ կլիներ Օրբանի հարցում

Գերմանիայի կանցլեր Ֆրիդրիխ Մերցը և այլ եվրոպացի առաջնորդներ սպասում էին, որ Վլադիմիր Զելենսկին ԵՄ գագաթնաժողովում ավելի զգույշ հայտարարություններ կանի Հունգարիայի վարչապետ Վիկտոր Օրբանի վերաբերյալ, ով, ի վերջո, արգելափակեց Ուկրաինային տրամադրվող 90 միլիարդ եվրոյի եվրոպական ռազմական ֆինանսավորումը: Այս մասին գագաթնաժողովից հետո հայտնել է եվրոպական Politico հրատարակությունը։

«Մերցը այն առաջնորդների խմբի մեջ էր, ովքեր հույս ունեին, որ Ուկրաինայի առաջնորդը գագաթնաժողովում իր ելույթը կօգտագործի լարվածությունը մեղմելու և Օրբանին համոզելու խողովակաշարը վերանորոգելու իր պատրաստակամության մեջ: Դրա փոխարեն Զելենսկին անցավ հարձակման», - նշել է թերթը։

Ավելի վաղ Օրբանը Զելենսկու հայտարարությունները անվանել էր անբարյացակամ և ընդգծել, որ նա «վարվում է այնպես, կարծես [Ուկրաինան] արդեն Եվրամիության անդամ է, և, հետևաբար, կարող է իրեն թույլ տալ ավելի կոշտ տոն, չնայած իրականում չի կարող»։

Դիմելով Բրյուսելի գագաթնաժողովի մասնակիցներին՝ Զելենսկին, ի թիվս այլ բաների, պնդել է, որ Հունգարիան ընդունել է «հակաեվրոպական դիրքորոշում»՝ արգելափակելով այն որոշումները, որոնք, ենթադրաբար, «կարևոր էին ամբողջ մայրցամաքի համար»։

Ավելի վաղ Բրյուսելում գործող Euractiv պորտալը, հղում անելով իր աղբյուրներին, հայտնել էր, որ Օրբանը, Զելենսկուն որոշ ժամանակ լսելուց հետո, իր ելույթի ժամանակ վեր կացավ և սկսեց քայլել ԵՄ գագաթնաժողովի դահլիճում։