Տիգրան Ավինյանը պարգևատրել է հրաձգության Եվրոպայի առաջնության մեդալակիրներին

Երևանի քաղաքապետ Տիգրան Ավինյանը Ֆեյսբուքի էջում գրել է. «Պարգևատրել եմ փետրվարին Երևանում կայացած հրաձգության Եվրոպայի առաջնությունում առաջին, երկրորդ և երրորդ հորիզոնականներ զբաղեցրած մարզիկներին և հավաքականի մարզչին:

Երևանի քաղաքապետարանը կարևորում է սպորտի զարգացումն ու տարբեր մարզաձևերի մասսայականացումը՝ որպես առողջ և ակտիվ համայնք ձևավորելու կարևոր գործոն։

Վերջին տարիներին մայրաքաղաքում իրականացվում են բազմաթիվ սպորտային ծրագրեր և միջոցառումներ՝ ուղղված մարզական կյանքի ակտիվացմանը։ Մեր նպատակն է Երևանը ձևավորել որպես ժամանակակից և զարգացող մարզական կենտրոն՝ շարունակաբար բարելավելով ենթակառուցվածքները և խթանելով սպորտը համայնքային մակարդակում»։