Մենք չենք փնտրում անհամաձայնություններ կամ պատերազմ մուսուլմանական երկրների հետ․ Իրանի նախագահ

Դիմելով տարածաշրջանի երկրներին՝ Ւրանի նախագահ Մասուդ Փեզեշքիանը շեշտել է. «Հավատացեք ինձ և իմացեք, որ Իսրայելը տարածաշրջանում քաոսի, անկայունության, ցեղասպանության, ահաբեկչության և դիվերսիայի աղբյուրն է»։

Իր ուղերձում Փեզեշքիանը նշել է, որ այս տարի համընկել են երկու օրհնյալ իրադարձություններ՝ Նովրուզը և Իդ ալ-Ֆիտրը։

Նախագահը հավելել է. «Մենք չենք փնտրում անհամաձայնություններ կամ պատերազմ մուսուլմանական երկրների հետ. նրանք մեր եղբայրներն են։ Առաջացած անհամաձայնությունները պայմանավորված են դավաճան թշնամու կողմից, որի գործողությունները խնդիրներ են ստեղծում մուսուլմանների միջև»։

Նա նշել է. «Ռամադան սուրբ ամսվա ընթացքում մեր հարգարժան առաջնորդը սպանվեց առանց որևէ արդարացման. մեր հրամանատարները, նախարարները և քաղաքացիները նույնպես սպանվեցին, այդ թվում՝ դպրոցում 168 անմեղ երեխաներ»։

Նախագահը նաև դիմել է հարևան երկրներին. «Դուք մեր եղբայրներն եք. մենք հույս ունենք, որ տարաձայնությունները կլուծվեն, և մենք պատրաստ ենք լուծել բոլոր խնդիրները ձեզ հետ»։

Նա առաջարկել է ստեղծել տարածաշրջանային անվտանգության համակարգ Մերձավոր Արևելքի իսլամական երկրների հետ՝ խաղաղություն և կայունություն ապահովելու համար։

Փեզեշքիանը ընդգծել է, որ տարածաշրջանը արտաքին ուժերի ներկայության կարիք չունի։