Լուկաշենկոն շնորհավորել է Փեզեշքիանին և Իրանի ժողովրդին Նովրուզի տոնի կապակցությամբ
Աշխարհ
Բելառուսի նախագահ Ալեքսանդր Լուկաշենկոն շնորհավորել է իր իրանցի գործընկեր Մասուդ Փեզեշքիանին և այդ երկրի ժողովրդին Նովրուզի և իրանական օրացույցով նոր 1405 թվականի կապակցությամբ։ Նա վստահություն է հայտնել, որ իրանցիները կկարողանան պաշտպանել իրենց անկախության և ինքնիշխանության իրավունքը։
Պետության ղեկավարը նշել է, որ նոր տարվա տոնական պահին Իրանը շարունակում է իր անձնուրաց պայքարը արտաքին դժվար մարտահրավերների դեմ։
«Ես վստահ եմ, որ Իրանի իմաստուն ժողովուրդը, հենվելով դարավոր փորձի վրա, քաջաբար կհաղթահարի բոլոր փորձությունները և կպաշտպանի իր իրավունքը՝ հետևելու անկախության և ինքնիշխանության ընտրած ուղուն», - շնորհավորական ուղերձը մեջբերել է Բելառուսի ղեկավարի մամուլի ծառայությունը։
Ըստ Լուկաշենկոյի, Մինսկի և Թեհրանի միջև հարաբերությունները զարգանում են անկեղծ բարեկամության, վստահության և աջակցության մթնոլորտում։
«Մենք բարձր ենք գնահատում մեր համագործակցության հուսալի և կառուցողական բնույթը, որը հիմնված է ընդհանուր շահերի և կայունության ու բարգավաճման նկատմամբ հանձնառության վրա», - հավելել է նա։
Լուկաշենկոն նաև Փեզեշքիանին մաղթել է առողջություն, իմաստություն և հաջողություններ իր պատասխանատու պետական առաքելության կատարման գործում, իսկ երկրի յուրաքանչյուր բնակչի՝ խաղաղություն և վստահ առաջընթաց։
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
