Այսօր նշվում է Դաունի համախտանիշի համաշխարհային օրը

Մարտի 21-ը նշվում է Դաունի համախտանիշի համաշխարհային օր։ Այս օրը ընտրված է խորհրդանշական կերպով՝ կապված 21-րդ քրոմոսոմի եռակի առկայության հետ, որը հենց Դաունի համախտանիշի հիմնական գենետիկ պատճառն է։

Յուրաքանչյուր 700 նորածնից 1-ը ծնվում է Դաունի համախտանիշով։ Դաունի համախտանիշ ունեցող մարդիկ ունեն յուրահատուկ բնավորություն, տաղանդներ և հետաքրքրություններ։ Շատերը սովորում են, աշխատում և ակտիվ մասնակցում հասարակական կյանքին։

Եթե նախկինում նրանց կյանքը շատ կարճ էր, այսօր բժշկության զարգացման հետ  նրանք կարող են ապրել մինչև 60–70 տարի և ավելին։

Շատ դեպքերում Դաունի համախտանիշ ունեցող մարդիկ ունեն ուժեղ էմոցիոնալ կապեր իրենց շրջապատի մարդկանց հետ և լավ հասկանում են ուրիշների զգացմունքները։

Դաունի համախտանիշ ունեցող մարդիկ հաճախ ունեն ավելի լավ հիշողություն և ուշադրություն սոցիալական ու անձնական իրավիճակներում, քան ակնկալվում է: Դա ցույց է տալիս, որ յուրաքանչյուր մարդ ունի յուրահատուկ ունակություններ։

Ահա հայտնի մարդիկ, ովքեր ունեն Դաունի համախտանիշ. Զակ Գոթսագեն (դերասան) | Թոմի Ջեսոփ (դերասան, հեղինակ) | Էլլի Գոլդշտեյն (մոդել) | Սառա Գորդի (դերասանուհի) | Պաբլո Պինեդա (մագիստրոս, կրթական ակտիվիստ) | Կոլեթ Դիվիտո (բիզնես, Collettey’s Cookies հիմնադիր) | Գրեյս Ստրոբել (մոդել) | Քրիս Բուրկ (դերասան) | Պասկալ Դյուկեն (դերասան) | Անդրեա Ֆեյ Ֆրիդման (դերասանուհի)։