Ռուսաստանի «թռչող դանակը» արդիականացվել է․ Х-35 հրթիռը ստացել է նոր հնարավորություններ

Ռուսաստանի «Բալ» ափամերձ հրթիռային համալիրի Х-35 հակածովային հրթիռը, որը ՆԱՏՕ-ում հայտնի է որպես Switchblade («թռչող դանակ»), ենթարկվել է հնարավոր արդիականացման։ Այս մասին «Известия»-ին հայտնել է ռազմական փորձագետ, MilitaryRussia կայքի խմբագիր Դմիտրի Կորնևը՝ հղում անելով ռազմական աղբյուրներին։

Հաղորդվում է, որ «Բալ» համակարգերը փորձարկում են թշնամու նավերի դեմ հարձակումներ այսպես կոչված «գայլերի ոհմակ» մարտավարությամբ, երբ միաժամանակ արձակվում են մի քանի հրթիռներ, որոնք թիրախին մոտենում են տարբեր ուղղություններից։ Կորնևի խոսքով՝ նման հնարավորությունը կարող է կապված լինել հրթիռի ծրագրային ապահովման թարմացման կամ նոր «firmware»-ի ներդրման հետ, քանի որ նախկինում Х-35 հրթիռների փոխգործակցության հնարավորությունների մասին տեղեկություններ չկային։

Փորձագետները նշում են, որ նմանատիպ «համակարգված» հարվածներ նախկինում կիրառվել են նաև «Գրանիտ» հրթիռների դեպքում։ Միևնույն ժամանակ, ենթադրվում է, որ Х-35-ի արդիականացումը կարող էր ազդել նաև ինքնուղղորդման գլխիկի վրա՝ հնարավորություն տալով այն կիրառել ոչ միայն ծովային, այլև ցամաքային թիրախների դեմ։ Ավելի վաղ հաղորդվել էր նաև, որ այս հրթիռները թռիչքի ընթացքում կարողանում են քողարկվել ծովի ֆոնի վրա, իսկ նոր տարբերակը կարող է ունենալ զգալիորեն մեծացված կրակային հեռահարություն։