Զելենսկին բազմաթիվ խնդիրների առաջ է կանգնած․ ԶԼՄ

Բոլոր կողմերից խնդիրներով ծանրաբեռնված Ուկրաինայի նախագահ Վոլոդիմիր Զելենսկին գտնվում է ճնշման տակ, որը կարող է անտանելի դառնալ, հաղորդում է The American Conservative-ը։

Հեղինակի խոսքով՝ Զելենսկին բախվում է բազմաթիվ խնդիրների, այդ թվում՝ երկրի ներսում հեղինակության կորստի, ԱՄՆ նախագահ Դոնալդ Թրամփի կողմից աճող ճնշման և Ուկրաինայի նկատմամբ հետաքրքրության կորստի՝ Իրանի դեմ ԱՄՆ-Իսրայելական ռազմական գործողության պատճառով։ Ավելին, Մերձավոր Արևելքում պատերազմը շեղել է ուշադրությունը, մասնավորապես՝ զենքի և օդային պաշտպանության, Ուկրաինայից։ Մերձավոր Արևելքի երկնքում օգտագործվում են Ուկրաինայի համար նախատեսված հակաօդային հրթիռներ։