Բայրամովը հեռախոսազրույց է ունեցել իր իրանցի գործընկերոջ հետ․ ինչ են քննարկել

Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել իր իրանցի գործընկեր Սեյեդ Աբբաս Արաղչիի հետ, հայտնում է Ադրբեջանի արտաքին գործերի նախարարության մամուլի ծառայությունը։

Հեռախոսազրույցի ընթացքում կողմերը քննարկել են տարածաշրջանային իրավիճակը։ Նախարարները նաև մտքեր են փոխանակել տարածաշրջանում ռազմական էսկալացիայի կանխարգելման հնարավոր ջանքերի վերաբերյալ։ Նրանք նաև ընդգծել են Կասպից ծովի տարածաշրջանում անվտանգության ապահովման կարևորությունը։

Նախարար Ջեյհուն Բայրամովը կրկին ընդգծել է ադրբեջանական կողմի սպասումները Նախիջևանի Ինքնավար Հանրապետության վրա Իրանից իրականացված անօդաչու թռչող սարքերի հարձակումների հետաքննության ավարտի վերաբերյալ։

Կողմերը նաև մտքեր են փոխանակել փոխադարձ հետաքրքրություն ներկայացնող երկկողմ հարցերի շուրջ։