WSJ. Սաուդյան Արաբիան և ԱՄԷ-ն կարող են հակամարտության մեջ մտնել Իրանի հետ

Սաուդյան Արաբիան և Արաբական Միացյալ Էմիրությունները (ԱՄԷ) կարող են միանալ ԱՄՆ-ին Իրանի դեմ ռազմական գործողություններում՝ Թեհրանի կողմից իրենց տարածքում հասցված հարվածներից հետո, հաղորդում է The Wall Street Journal-ը՝ հղում անելով իր աղբյուրներին։

Նրանց հաղորդագրությունների համաձայն՝ Սաուդյան Արաբիայի թագաժառանգ Մուհամմեդ բին Սալման ալ Սաուդը շուտով կարող է որոշել միանալ Իրանի դեմ հարվածներին: Էր-Ռիադն արդեն թույլատրել է ԱՄՆ ուժերին օգտագործել երկրի արևմուտքում գտնվող իր «Արքա Ֆահդ» ավիաբազան, և միջամտելու որոշումը «միայն ժամանակի հարց է»: Անցյալ շաբաթ Սաուդյան Արաբիայի արտաքին գործերի նախարար Ֆեյսալ բին Ֆարհան ալ Սաուդը հայտարարել էր, որ «Սաուդյան Արաբիայի համբերությունն անսահման չէ»:

ԱՄԷ իշխանությունները նույնպես քննարկում են հակամարտության մեջ մտնելու հնարավորությունը և դեմ են Իրանի հետ ԱՄՆ-ի և Իսրայելի կողմից հրադադարի կնքմանը՝ առանց Թեհրանի ռազմական կարողությունների լիակատար ոչնչացման: ԱՄԷ-ն արդեն իսկ միջոցներ է ձեռնարկում երկրում գտնվող իրանական օբյեկտների դեմ: Մասնավորապես, երկրի իշխանությունները վերջերս փակել են Դուբայում գտնվող իրանական հիվանդանոցը և իրանական ակումբը: Ավելին, ԱՄԷ-ն զգուշացրել է իրանական միլիարդավոր դոլարների ակտիվները սառեցնելու հնարավորության մասին: