Իրանը ձերբակալել է 30 մարդու՝ Իսրայելին և Միացյալ Նահանգներին տվյալներ փոխանցելու կասկածանքով

Իրանի հետախուզությունը Համադան, Լորեստան և Քերման նահանգներում ձերբակալել է 30 անձի՝ Իսրայելի և ԱՄՆ հետախուզական գործակալություններին գաղտնի տեղեկատվություն փոխանցելու կասկածանքով, հայտնում է Իսլամական Հանրապետության հետախուզության նախարարությունը։

«Այս դավաճաններից քսանչորսը թշնամուն փոխանցել են ռազմական, իրավապահ և անվտանգության օբյեկտների կոորդինատները, ինչպես նաև Համադան նահանգում անվտանգության աշխատակիցների և ռազմական տեխնիկայի գտնվելու վայրերը: Լորեստան նահանգում հայտնաբերվել են չորս վարձկաններ, որոնք տեղեկատվություն էին հավաքում թշնամու հետախուզական ծառայությունների համար:

Երկու ահաբեկիչներ, որոնք ներկայացել էին որպես ամուսնական զույգ, փորձել են զենք մաքսանենգ ճանապարհով տեղափոխել Քերման նահանգ», - Tasnim լրատվական գործակալությունը մեջբերում է նախարարության հաղորդագրությունը:

Գործակալության տվյալներով՝ ձերբակալվածների մոտ հայտնաբերվել են նաև Starlink սարքեր, հրազեն և սուր զենքեր: