Թուրքիայում Patriot հրթիռները բերվել են մարտական պատրաստվածության

Թուրքիայում տեղակայված Patriot զենիթա-հրթիռային համակարգերը շաբաթ օրը կբերվեն մարտական պատրաստվածության, գրում է Интерфакс-ը:

ՆԱՏՕ-ի հրամանատարության ղեկավարներից մեկը` գեներալ Հարի Դիքինը, ավելի վաղ նշել էր, որ ՆԱՏՕ-ի զինվորականների համար Թուրքիայի ռազմաօդային պաշտպանության կարողության ուժեղացումը նորարարության չէր և արտառոց իրերի շարքին չէր դասվում: Դաշնակիցների պաշտպանական պոտենցիալի արտահերթ ապահովումը նախատեսվում է ՆԱՏՕ-ի գործող կանոնադրությամբ: Նիդեռլանդները Թուրքիայում Patriot հրթիռներ տեղակայել էր նաև 1991 և 2003թթ., ուստի հրթիռների տեղակայման գործընթացը մշակված էր և տեղի է ունենում բավականին արագ, մեջբերում է Интерфакс-ը:

Թուրքիայում տեղակայված հրթիռները միայն և միայն ինքնապաշտպանական նկատառումներ ունեն և երբեք չեն օգտագործվի Սիրիայի ոչ թռիչքային գոտու օդային տարածքները հսկելու համար, նշել է գեներալը: Նրանք նախատեսված են միայն Սիրիայից արձակված հրթիռները Թուրքիայի տարածքից հեռացնելու համար:

Հիշեցնենք, որ Թուրքիան 2012-ի նոյեմբերի 21-ին դիմել էր ՆԱՏՕ-ին խնդրանքով՝ երկրի հարավում՝ Սիրիայի հետ սահմանակից բնակավայրերում, հրթիռներ տեղակայել: Դեկտեմբերի 4-ին ՆԱՏՕ-ն տվել էր իր համաձայնությունը: