Իրաքի նախագահությունը դատապարտել է PMF-ի և քրդական ուժերի դեմ իրականացված հարձակումները

Իրաքի նախագահությունը հանդես է եկել հայտարարություններով՝ դատապարտելով Իրաքի տարածքում PMF-ի և այլ քրդական ուժերի դեմ իրականացված առանձին հարձակումները։

Ինչպես ավելի վաղ հաղորդվել էր, ԱՄՆ-ի կողմից իրականացված օդային հարվածը Անբար նահանգում գտնվող PMF-ի հրամանատարական շտաբին խլել է առնվազն 14 մարդու կյանք, այդ թվում՝ տարածաշրջանային գործողությունների հրամանատարի։

Միաժամանակ Իրաքի ինքնավար քրդական տարածաշրջանը մեղադրել է Իրանին քրդական ուժերի ուղղությամբ իրականացված երկու բալիստիկ հրթիռային հարվածների համար, որոնց հետևանքով զոհվել է վեց մարդ, իսկ 30-ը՝ վիրավորվել։

Իրաքի նախագահությունը խստորեն դատապարտել է Անբարում PMF-ի հրամանատարական շտաբի վրա իրականացված «հանցավոր հարձակումները»՝ դրանք որակելով երկրի ինքնիշխանության խախտում։ Առանձին հայտարարությամբ այն նաև դատապարտել է «Փեշմերգա ուժերին թիրախավորած ռմբակոծությունը», նշելով, որ դրանք հանդիսանում են «ազգային պաշտպանության համակարգի հիմնասյուներից մեկը»։ Այս մասին հայտնում է AL-JAZEERA-ն: