Իրանի ԱԳՆ-ը հայտարարել է, որ վերջին 25 օրվա ընթացքում Միացյալ Նահանգների հետ որևէ բանակցություններ չեն եղել
Աշխարհ
Իրանը և Միացյալ Նահանգները ներկայումս որևէ բանակցություններ չեն վարում, ինչպես նաև վերջին 25 օրվա ընթացքում։ Այս մասին «Ինդիա Թեյդեյ»-ին տված հարցազրույցում հայտարարել է Իրանի արտաքին գործերի նախարարության խոսնակ Էսմայիլ Բաղային։
«Իրանի և Միացյալ Նահանգների միջև բանակցություններ կամ խորհրդակցություններ չեն ընթանում։ Այս անօրինական պատերազմի վերջին 25 օրերի ընթացքում, որը նրանք սկսել են Իրանի դեմ, այդպիսի բան չի եղել», - ասել է նա՝ ընդգծելով, որ Իրանը երկու անգամ տհաճ փորձառությունների է հանդիպել ամերիկյան դիվանագիտության հետ։
«Երկու անգամ, ընդամենը ինը ամսվա ընթացքում, մեզ վրա հարձակվեցին հենց այն ժամանակ, երբ մենք գտնվում էինք միջուկային խնդիրը լուծելու բանակցությունների կիզակետում։ Այսպիսով, սա դիվանագիտության դավաճանություն էր։ Այսօր այս արտահայտությունը դարձել է Իրանում կարգախոս, քանի որ դա տեղի է ունեցել ոչ թե մեկ, այլ երկու անգամ։ Հետևաբար, ոչ ոք չի կարող վստահել ԱՄՆ դիվանագիտությանը», - նշել է նա։
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
