Հորմուզի նեղուցի շրջափակման ֆոնին Հնդկաստանը տարիների դադարից հետո առաջին անգամ գնել է Իրանից հեղուկ գազ

Reuters-ի հաղորդմամբ՝ Հնդկաստանը տարիների ընթացքում առաջին անգամ ձեռք է բերել Իրանից հեղուկ նավթային գազի (LPG) բեռ՝ այն բանից հետո, երբ ԱՄՆ-ը ժամանակավորապես մեղմել է Թեհրանի նավթի և վերամշակված վառելիքի նկատմամբ կիրառվող պատժամիջոցները։

Հնդկաստանը 2019 թվականին դադարեցրել էր Իրանից էներգիայի գնումները՝ արևմտյան պատժամիջոցների ճնշման ներքո։

Aurora անունով պատժամիջոցների տակ գտնվող տանկերը, որը տեղափոխում է իրանական LPG, մոտ ժամանակում կհասնի Հնդկաստանի արևմտյան ափին գտնվող Մանգալոր նավահանգիստ։ Բեռը նախատեսվում է բաշխել երեք խոշոր վառելիք մատակարարների միջև՝ Indian Oil Corp, Bharat Petroleum Corp և Hindustan Petroleum Corp։

Հնդկաստանը այն երկրներից է, որոնք ամենաշատն են տուժել Հորմուզի նեղուցով էներգակիրների փոխադրումների խափանումներից՝ ԱՄՆ-Իսրայել պատերազմի մեկնարկից հետո Իրանի դեմ, գրում է AL-JAZEERA-ն։