Չնայած պատերազմն Իսրայելի պատերազմն է, ծանր գին են վճարում նախ մուսուլմանները, ապա՝ ողջ մարդկությունը․ Էրդողան

Ի՞նչ տարբերություն կա Սպահանում, Թավրիզում և Թեհրանում թափված արցունքների և Էրբիլում, Ամմանում, Բաղդադում, Բեյրութում, Սանայում, Դոհայում, Ռիադում և տարածաշրջանի մեր մյուս քույր քաղաքներում թափված արցունքների միջև, հայտարարել է Թուրքիայի նախագահ Ռեջեթ Թայիփ Էրդողանն իշխող «Արդարություն ու զարգացում» կուսակցության հավաքի ժամանակ։

- Զանգվածային մարդասպանների ցանցի աչքում ի՞նչ տարբերություն կա, թե մեզ Ալի, Օմար, Այշա, թե Հասան են կոչում։ Ագրեսորների աչքում, ովքեր որևէ սկզբունք կամ արժեք չեն ճանաչում, կարևո՞ր է, թե մենք շիաներ ենք, թե սուննիներ, կամ թուրքեր, քրդեր, արաբներ, թե՞ պարսիկներ։

- Իսրայելը օկուպացնում է Լիբանանը։ Չնայած պատերազմն Իսրայելի պատերազմն է, ծանր գին են վճարում նախ մուսուլմանները, ապա՝ ողջ մարդկությունը։

- Նեթանյահուի կառավարությունը թիրախավորում է ոչ միայն Իրանը, այլև հետապնդում է Լիբանանի աստիճանական օկուպացիայի իր ծրագրերը։ Անկախ պատրվակից, մուսուլմանների՝ Ալ-Աքսա մզկիթում աղոթելու իրավունքը չի կարող բռնագրավվել, խոչընդոտվել կամ արգելվել։