«Մեծամոր․ Ոսկի․ արվեստ և առեղծված» ցուցադրությունը բացվել է. համադրողը հնագետ Արտավազդ Զաքյանն է
Գիտություն և Մշակույթ
Ցուցադրությունը լայն հասարակության համար հասանելի կլինի շուրջ մեկ ամիս։
Գրականության և արվեստի թանգարանը և Պատմամշակութային արգելոց-թանգարանների և պատմական միջավայրի պահպանության ծառայությունը համատեղ ներկայացնում են «Մեծամոր։ Ոսկի․ արվեստ և առեղծված» ժամանակավոր ցուցադրությունը:
Ցուցահանդեսի բացմանը ներկա են եղել ԿԳՄՍ նախարար Ժաննա Անդրեասյանը, Մարդու իրավունքների պաշտպան Անահիտ Մանասյանը, մշակույթի ոլորտի ներկայացուցիչներ։
Ցուցադրությանը ներկայացված են Հայկական լեռնաշխարհի ամենահին ոսկե զարդը, ոսկե (և ոչ միայն) պերճանքի առարկաները, որոնք ունեն ավելի քան 5000 տարվա պատմություն: Համադրողը հնագետ Արտավազդ Զաքյանն է։
ԿԳՄՍ նախարար Ժաննա Անդրեասյանը շնորհակալություն է հայտնել ցուցադրության կազմակերպիչներին՝ ընդգծելով «Մեծամոր» հնավայրից հատնաբերված մեծարժեք ժառանգությունը հնարավորինս տեսանելի դարձնելու անհրաժեշտությունը։
Ցուցադրությունը նոր լույսի ներքո է բացահայտում Մեծամոր հնավայրից 1960-2020 թթ. պեղումների ընթացքում հայտնաբերված հնագիտական եզակի առարկաների ընտրանին՝ շեշտադրելով դրանց եզակիությունն ու գեղարվեստական արժեքները:
Ցուցադրության նյութերը վերաբերում են մ.թ.ա. IV հազարամյակից մինչև մ.թ.ա. III դարին:
ՈՒՂԻՂ ԵԹԵՐ
Ամենադիտված 
Երկու օր ջուր չի լինելու
