Արսեն Թորոսյանը Արմավիրում այցելել է երեխաների ոլորտում ծառայություններ մատուցող ՀԿ-ներ՝ ընդգծելով համագործակցության ընդլայնման կարևորությունը

Աշխատանքի և սոցիալական հարցերի նախարար Արսեն Թորոսյանը՝ Արմավիրի մարզպետ Վահրամ Խաչատրյանի և համայնքային իշխանության ներկայացուցիչների ուղեկցությամբ այսօր այցելել է երեխաների հիմնահարցերի ոլորտում ծառայություններ մատուցող «Հույսի Մեծամոր», «Ընտանիք և համայնք» և «Արմավիրի զարգացման կենտրոն» հասարակական կազմակերպություններ։                       

Նախարարը շրջել է կենտրոնների տարածքներում, ծանոթացել կազմակերպությունների գործունեությանն ու շահառուներին մատուցվող ծառայությունների շրջանակին։    

Հանդիպումների ընթացքում քննարկվել են համագործակցության զարգացման հնարավոր ուղղությունները․ նախարար Թորոսյանն ընդգծել է հասարակական կազմակերպությունների միջոցով արտապատվիրակված ծառայությունների մատուցման կարևորությունը՝ խոցելի խմբերին առավել հասանելի և որակյալ ծառայություններ մատուցելու գործում։