FT. ԱՄԷ-ն պատրաստ է օգտագործել ռազմածովային ուժերը Հորմուզի նեղուցում նավագնացությունը վերականգնելու համար
Աշխարհ
Արաբական Միացյալ Էմիրությունները (ԱՄԷ) ԱՄՆ-ին և այլ արևմտյան գործընկերներին հայտնել են, որ պատրաստ են ռազմածովային ուժեր օգտագործել Հորմուզի նեղուցում նավարկությունը վերականգնելու համար, հաղորդում է բրիտանական Financial Times (FT) թերթը՝ հղում անելով իր աղբյուրներին։
Ըստ FT-ի՝ ԱՄԷ-ն պատրաստ է միանալ և մասնակցել Հորմուզի նեղուցում հնարավոր գործող ցանկացած բազմազգ ռազմական ուժի: Երկիրը նաև Բահրեյնի հետ աշխատում է ՄԱԿ-ի Անվտանգության խորհրդի բանաձևի նախագծի վրա՝ նման գործողությունների համար մանդատ տրամադրելու համար: FT-ն նշում է, որ խոսքը «Իրանի հետ պատերազմ սկսելու մասին» չէ։
Միևնույն ժամանակ, ԱՄԷ-ի իշխանությունները բանակցություններ են վարում Սաուդյան Արաբիայի հետ՝ այս ծրագրի համար Էր-Ռիադի աջակցությունն ապահովելու համար: FT-ն նշում է, որ Բահրեյնը հստակորեն աջակցել է նավագնացության վերականգնման ծրագրին: Պարսից ծոցի մյուս երկրները դեռևս վերջնական որոշում չեն կայացրել ապագա գործողություններին մասնակցելու վերաբերյալ, մասամբ այն մտավախությունների պատճառով, որ ԱՄՆ-ն կարող է «հանկարծակի դուրս գալ»՝ արաբական երկրներին թողնելով միայնակ Իրանի դեմ դիմակայելու հարցում:
ՈՒՂԻՂ ԵԹԵՐ
Ամենադիտված 
Հայտնի է ապրիլ ամսվա կենսաթոշակների վճարման օրը
