FT. Պարսից ծոցի երկրները քննարկում են Հորմուզի նեղուցի փոխարինման հնարավորությունը

Հորմուզի նեղուցում ստեղծված իրավիճակի պատճառով Պարսից ծոցի երկրները կարող են դիտարկել մատակարարման այլընտրանքային տարբերակներ, այդ թվում՝ խողովակաշարի կառուցում, հաղորդում է Financial Times-ը՝ հղում անելով տարածաշրջանային երկրի անանուն դիվանագետի։

Ավելի վաղ Իրանի փոխարտգործնախարար Վահիդ Ջալալզադեն հայտարարել էր, որ Թեհրանը մշակում է Հորմուզի նեղուցի համար նոր իրավական ռեժիմ, որը կգործի հակամարտության ավարտից հետո, և նախատեսում է համագործակցել Օմանի հետ այս հարցում։

«Պարսից ծոցի երկրները կփնտրեն այլընտրանքներ, ինչպիսին է խողովակաշարի կառուցումը», - հրատարակությանը ասել է դիվանագետը՝ մեկնաբանելով Իրանի կողմից Հորմուզի նեղուցով անցման կանոնակարգերի խստացման հնարավորությունը։