Իրանի դեսպանը հայտարարել է, որ Թեհրանը բանակցություններ չի վարում Վաշինգտոնի հետ

Թեհրանը ներկայումս որևէ բանակցություններ չի վարում Վաշինգտոնի հետ, սակայն որոշ երկրներ հետաքրքրված են Իրանի և Միացյալ Նահանգների միջև միջնորդությամբ, հայտարարել է Ղազախստանում Իսլամական Հանրապետության դեսպան Ալի Ակբար Ջոուքարը։

«Մեր ունեցած տեղեկատվության հիման վրա, ներկայումս բանակցություններ չեն ընթանում: Իհարկե, որոշ հարևան պետություններ հետաքրքրություն են հայտնել և պատրաստ են օգնել բանակցությունների վերսկսման հարցում», - ասել է նա լրագրողներին Եվրասիական միջկառավարական խորհրդի նիստի շրջանակներում: